Sky Germany журналисти Флориан Плеттенбергнинг хабар беришича, "Фулхэм" "Арсенал" дарвозабони Бернд Ленони ўз сафига қўшиб олиш бўйича музокаралар олиб бормоқда.
Манбага кўра, "канонирлар" 30 ёшли германиялик учун 11 миллион евро истамоқда. "Фулхэм" футболчи учун бундай суммани тўлашга тайёр эмас, дарвозабоннинг ўзи эса томонлар келишувга эришиб, келишув амалга ошишига умид қилмоқда.
Лено "Арсенал"да 2018 йилнинг июлидан бери тўп тепади. 2021/22 йилги мавсумда дарвозабон жамоа сафида 8 ўйинда 11 та гол ўтказиб юборди ва 3 та учрашувда дарвозаси дахлсизлигини сақлаб қолди. Transfermarkt.com портали немис футболчисини 8,1 миллион еврога баҳоламоқда.
