“Lion” hujumchisi Mussa Dembele faoliyatini Angliyada davom ettirishi mumkin. Futbolchi "Manchester Yunayted" qiziqishlari doirasida bo‘lib turibdi. Bu haqda Media Foot xabar bermoqda.
Manbaga ko‘ra, jamoadagi kelajagi so‘roq ostida bo‘lgan Krishtianu Ronalduning o‘rnini Massa Dembele egallashi mumkin. Portugaliyalik sotilmagani haqidagi xabarlarga qaramay, u mavsumoldi turda jamoa bilan birga uchmagan.
Dembelening "Lion" bilan shartnomasi 2023 yilning yoziga qadar amal qiladi. Fransiyalik futbolchi o‘tgan mavsumda 35 ta o‘yinda maydonga tushib, 22 ta gol urdi va 5 ta golga assistentlik qildi.