“Лион” ҳужумчиси Мусса Дембеле фаолиятини Англияда давом эттириши мумкин. Футболчи "Манчестер Юнайтед" қизиқишлари доирасида бўлиб турибди. Бу ҳақда Media Foot хабар бермоқда.

Манбага кўра, жамоадаги келажаги сўроқ остида бўлган Криштиану Роналдунинг ўрнини Масса Дембеле эгаллаши мумкин. Португалиялик сотилмагани ҳақидаги хабарларга қарамай, у мавсумолди турда жамоа билан бирга учмаган.

Дембеленинг "Лион" билан шартномаси 2023 йилнинг ёзига қадар амал қилади. Франциялик футболчи ўтган мавсумда 35 та ўйинда майдонга тушиб, 22 та гол урди ва 5 та голга ассистентлик қилди.