«Интер»нинг собиқ ярим ҳимоячиси, ҳозирда Кипрнинг «Анортосис» клуби шарафини ҳимоя қилаётган Стефано Сенси «Барселона» ёки «Манчестер Сити»да ўйнаши мумкин бўлганини таъкидлади.
«Баъзи клублар сизда муҳим иқтидорни кўришгани учун сизни кузатишади. Биз нима содир бўлганини биламиз (жароҳатлар назарда тутилмоқда) ва бу нормал ҳолат, мен бу борада ҳеч нарса қила олмайман.
Агар жароҳатлар бўлмаганидами? Буни айтиш қийин, кўп нарса юз берди — эҳтимол, «Барселона» ёки «Манчестер Сити»га ўтган бўлардим, ёки балки ҳали ҳам «Интер»да ўйнаётган бўлардим», — деди Сенси La Gazzetta dello Sport нашрига берган интервьюсида.
