“Chelsi” klubining 48 yoshli bosh murabbiyi Tomas Tuxel “aristokratlar” portugaliyalik yulduz hujumchi Krishtianu Ronaldu bilan shartnoma imzolashi mumkinligi haqidagi mish-mishlarga munosabat bildirdi.
“Albatta, men boshqa hujumchi bilan shartnoma imzolashni istisno etmayman, lekin, umuman olganda, bu biz uchun hozir unchalik muhim emas. Hozir ustuvor vazifa - himoya, bu hech kimga sir emas. Biz eng yaxshi o‘yinchilarni yo‘qotdik, endi ularni o‘rnini to‘ldirishimiz kerak", - deya Tuxelning so‘zlarini keltiradi Sky Sports.
Eslatib o‘tamiz, o‘tgan mavsumda 37 yoshli Ronaldu "Manchester Yunayted" safida barcha turnirlar doirasida 38ta o‘yinda qatnashib, 24ta gol va 3ta golli uzatmaga mualliflik qilgan.
