“Челси” клубининг 48 ёшли бош мураббийи Томас Тухель “аристократлар” португалиялик юлдуз ҳужумчи Криштиану Роналду билан шартнома имзолаши мумкинлиги ҳақидаги миш-мишларга муносабат билдирди.

“Албатта, мен бошқа ҳужумчи билан шартнома имзолашни истисно этмайман, лекин, умуман олганда, бу биз учун ҳозир унчалик муҳим эмас. Ҳозир устувор вазифа - ҳимоя, бу ҳеч кимга сир эмас. Биз энг яхши ўйинчиларни йўқотдик, энди уларни ўрнини тўлдиришимиз керак", - дея Тухелнинг сўзларини келтиради Sky Sports.

Эслатиб ўтамиз, ўтган мавсумда 37 ёшли Роналду "Манчестер Юнайтед" сафида барча турнирлар доирасида 38та ўйинда қатнашиб, 24та гол ва 3та голли узатмага муаллифлик қилган.