"Barselona" hujumchisi Usmon Dembele jamoa bilan yangi shartnoma imzolagandan so‘ng o‘z fikrlari bilan o‘rtoqlashdi.

"Men qolganimdan hursandman. Umid qilamanki, bu mavsum men uchun eng yaxshisi bo‘ladi. Men mashg‘ulotlarda va zalda borimni berib shug‘ullanaman. Bu mavsum "Barsa" uchun unutilmas bo‘ladi degan umiddaman.

Jarohatlar tufayli ilk uch mavsum juda qiyin o‘tdi, ammo hozir hammasi o‘zgardi. Hozir menga ishonch bildirishyapti, va men ham ancha o‘sishga erishdim.

Shartnomani yangilash doim mening xohishim bo‘lgan, men bu haqda murabbiyga ham, prezidentga ham ko‘p bora aytdim. Men jamoamga sovrinlar yutishga yordam berish uchun mavsum boshlanishini intizorlik bilan kutmoqdaman, men "Barsa" uchun borimni bermoqchiman. Men Chempionlar Ligasini yutishni istayman, va men ushbu sovrinni shu jamoada yutish uchun imkonim bor bo‘lgan barchasini qilishga tayyorman", - dedi Dembele.

Ma’lumot uchun, fransuz kataloniyaliklar bilan 2024 yilgacha mo‘ljallangan yangi shartnoma imzoladi.