Fransiyaning “Marsel” klubi yaqin orada himoyachi Chansel Mbembani tekinga qo‘lga kiritadi. Bu haqda ijtimoiy tarmoqlarda italiyalik jurnalist Fabrisio Romano xabar berdi.
Manbaning xabariga ko‘ra, futbolchi fransuz klubi bilan 2025 yilgacha shartnoma imzolaydi. Eslatib o‘tamiz, afrikalik himoyachi xizmatlariga Italiya chempioni "Milan" ham qiziqish bildirgan edi.
Avvalroq futbolchi noodatiy sababga ko‘ra, "Portu"ni tark etgandi. “Ajdarlar” futbolchi o‘z yoshini soxtalashtirgani uchun shartnomani uzaytirmadi. Chanselning pasportiga ko‘ra, u 28 yoshda, biroq ma’lum bo‘lishicha, futbolchi bundan 4 yil oldin tug‘ilgan.
