Франциянинг “Марсель” клуби яқин орада ҳимоячи Чансел Мбембани текинга қўлга киритади. Бу ҳақда ижтимоий тармоқларда италиялик журналист Фабрицио Романо хабар берди.
Манбанинг хабарига кўра, футболчи француз клуби билан 2025 йилгача шартнома имзолайди. Эслатиб ўтамиз, африкалик ҳимоячи хизматларига Италия чемпиони "Милан" ҳам қизиқиш билдирган эди.
Аввалроқ футболчи ноодатий сабабга кўра, "Порту"ни тарк этганди. “Аждарлар” футболчи ўз ёшини сохталаштиргани учун шартномани узайтирмади. Чанселнинг паспортига кўра, у 28 ёшда, бироқ маълум бўлишича, футболчи бундан 4 йил олдин туғилган.
