«Energetik-BGU» klubi direktori Aleksandr Zaxarchenya jamoa hujumchisi Bobur Abdixoliqov haqida o‘z fikrini bildirib o‘tdi.

"Yaxshi taklif tushsa, biz Boburni jamoada ushlab qolmaymiz. Ammo ba’zi jihatlar bor. Ba’zida futbolchi yangi sinovlarga tayyor bo‘lmaydi. Murabbiylar shtabi o‘yinchining tayyorgarligini statistika orqali aniqlab boradi. Masalan, futbolchining jismoniy holati ayni paytda o‘sish jarayonida. Shu bois, biz unga ushbu yoki boshqa jihatdan hali yuqori formaga chiqmaganini aytamiz. Erkak kishi 27 yoshgacha jismoniy jihatdan shakllanadi. Buni unutamng. Bundan tashqari, ruhiy holat ham bor...

“Islochi”dan bir futbolchi bor edi, men uning ismini aytmayman: 16 yoshda unga katta yuklama berilgan. Oltita o‘yindan keyin esa uning tiklanishi uchun 2 yil vaqt ketdi. Yoki teskari misol: Denis Sadovskiyni biz o‘z vaqtida boshqa jamoaga qo‘yib yubordik. U esa hozir “Gomel”da yorqin o‘yin ko‘rsatmoqda. Futbol — bu biznes. Biz futbolchini imkon qadar yaxshiroq tayyorlab, klub uchun ham, o‘yinchi uchun ham ko‘proq foyda olishga harakat qilamiz. Futbolchi yanada yuqoriroq saviyada o‘ynashga tayyor ekanini bilsak, uni bajonudil qo‘yib yuboramiz. Shu bilan birgalikda do‘stona aloqalarni saqlab qolamiz. Misol uchun, Shahboz Umarov bahorda jamoamizga keldi, o‘ziga tanish yigitlar bilan gaplashdi, biz unga esdalik sovg‘asini berdik", — dedi klub direktori.

Eslatib o‘tamiz, Bobur Abdixoliqov Belarus chempionatining joriy mavsumida 14ta o‘yinda ishtirok etib, 14 gol va 4 assist muallifiga aylandi.