“Bavariya” sport direktori Xasan Salihamidjich Turinning “Yuventus” klubi himoyachisi Matteys de Ligtning transferi borasidagi muzokaralarning borishi haqida gapirdi. Eslatib o‘tamiz, "keksa sinyora" niderlandiyalik futbolchi uchun taxminan 80-90 million yevro talab qilmoqda.
"De Ligt transferi bo‘yicha "Yuventus" bilan uchrashish juda muhim edi. Biz allaqachon ikki marta muzokara o‘tkazganmiz. Endi biz sabr qilishimiz va nima bo‘lishini kutishimiz kerak. Umuman olganda, men optimist odamman. Biz "Bavariya" uchun eng yaxshisini qilishga harakat qilamiz", - dedi Salihamidjich.
Eslatib o‘tamiz, de Ligtga ham "Chelsi" qiziqish bildirgandi, ammo himoyachi uchun ustuvor vazifa "Bavariya"ga o‘tish.
