“Бавария” спорт директори Хасан Салиҳамиджич Туриннинг “Ювентус” клуби ҳимоячиси Маттейс де Лигтнинг трансфери борасидаги музокараларнинг бориши ҳақида гапирди. Эслатиб ўтамиз, "кекса синьора" нидерландиялик футболчи учун тахминан 80-90 миллион евро талаб қилмоқда.
"Де Лигт трансфери бўйича "Ювентус" билан учрашиш жуда муҳим эди. Биз аллақачон икки марта музокара ўтказганмиз. Энди биз сабр қилишимиз ва нима бўлишини кутишимиз керак. Умуман олганда, мен оптимист одамман. Биз "Бавария" учун энг яхшисини қилишга ҳаракат қиламиз", - деди Салиҳамиджич.
Эслатиб ўтамиз, де Лигтга ҳам "Челси" қизиқиш билдирганди, аммо ҳимоячи учун устувор вазифа "Бавария"га ўтиш.
