«Paxtakor» klubida sport direktori vazifasini bajarib kelib, may oyida o‘z lavozimini tark etgan Ja’far Irismetov Mosvaning «Spartak» klubida ishlashga tayyor ekanini ma’lum qildi.

Eslatib o‘tamiz, moskvaliklar safida sport direktori yarim yildan ko‘proq vaqt davomida ishlagan Luka Kattani 13 iyul kuni iste’foga chiqdi.

«Mensiz ham Rossiyada sport direktorlari yetarli. «Spartak»ga sport direktori sifatida borishim qiyin. Men Rossiya futbolida faqat yulduzlarni taniyman. RPL va Birinchi ligani o‘rganish uchun esa vaqt kerak.

Buning uchun esa vaqt berilmaydi. Sport direktorining vazifasi — asosiy, yoshlar va zaxira tarkibi uchun seleksiya ishlarini yuritish. Buning uchun raqiblarni ham yaxshi bilishim kerak. Bu muhim lavozim. Barcha senga qarab turadi. Sen o‘zingni qanday tutishing, klub siyosati va seleksiyasini qanday yuritishingga ahamiyat berishadi.

«Spartak» men bilan muzokara o‘tkazdimi? Yo‘q. Bu jamoada bajonudil ishlagan bo‘lardim. Agar jamoa ishonch bildirsa — ishlardim», — dedi Irismetov.

Eslatib o‘tamiz, Jafar Irismetov 2001 yilda «Spartak» safida to‘p tepgan.