«Chelsi» va «Napoli» himoyachi Kalidu Kulibalining transferi borasida kelishuvga erishdi.

Jurnalist Nikolo Skiraning xabar berishicha, futbolchi tibbiy ko‘rikdan muvaffaqiyatli o‘tgan.

Bitim 40 million yevroni tashkil qiladi. Shaxsiy shartnoma shartlariga ko‘ra, Kulibalining maoshi soliqlarsiz yiliga 10 million yevroni tashkil qiladi.

Oldinroq 31 yoshli senegallik 2027 yilgacha mo‘ljallangan shartnoma imzolashi xabar qilingandi.

O‘tgan mavsumda Kulibali neapolliklar safida 34 ta o‘yinda maydonga tushib, 3 ta gol urdi va 3 ta golga assistentlik qildi.