«Челси» ва «Наполи» ҳимоячи Калиду Кулибалининг трансфери борасида келишувга эришди.
Журналист Николо Скиранинг хабар беришича, футболчи тиббий кўрикдан муваффақиятли ўтган.
Битим 40 миллион еврони ташкил қилади. Шахсий шартнома шартларига кўра, Кулибалининг маоши солиқларсиз йилига 10 миллион еврони ташкил қилади.
Олдинроқ 31 ёшли сенегаллик 2027 йилгача мўлжалланган шартнома имзолаши хабар қилинганди.
Ўтган мавсумда Кулибали неаполликлар сафида 34 та ўйинда майдонга тушиб, 3 та гол урди ва 3 та голга ассистентлик қилди.