"Toronto" prezidenti Bill Menning yarim himoyachi Federiko Bernardeski transferiga izoh berdi. Italiyalik futbolchi 2026 yilgacha mo‘ljallangan shartnoma imzoladi.
“Biz Federikoni jamoamizga qo‘shganimizdan juda xursandmiz. Biz o‘ylaymizki, futbolchi va shaxs sifatida u bizga hozir maydonda ham, kiyinish xonasida ham kerak bo‘lgan insondir. Federiko o‘zini "Yuventus" va Italiya terma jamoasida chempion va yetakchi sifatida ko‘rsatdi", - deya Menning so‘zlarini keltirmoqda klub matbuot xizmati.
Bernardeski o‘tgan mavsumda barcha musobaqalarda 35 ta o‘yinda maydonga tushib, 2 ta gol urdi va 6 ta golli uzatmani amalga oshirdi.