Ukrainalik himoyachi Aleksandr Zinchenko tez orada "Manchester Siti"ni tark etib, boshqa ingliz klubi Londonning "Arsenal" jamoasiga o‘tadi.
Insayder Fabrisio Romanoning xabar berishicha, klublar transfer tafsilotlari bo‘yicha to‘liq kelishib olgan. Futbolchining transferi “kanonirlar”ga 30 million yevroga tushadi. Londonliklar maosh miqdorini futbolchi bilan to‘g‘ridan-to‘g‘ri kelishib olishlari kerak, shundan so‘ng kelishuv rasman yopiladi.
Eslatib o‘tamiz, Aleksandr 2016 yildan buyon "Manchester Siti"da o‘ynab kelmoqda. 25 yoshli ukrainalik futbolchi to‘rt marta Angliya chempioni bo‘lgan va bir marta mamlakat kubogini qo‘lga kiritgan.