Украиналик ҳимоячи Александр Зинченко тез орада "Манчестер Сити"ни тарк этиб, бошқа инглиз клуби Лондоннинг "Арсенал" жамоасига ўтади.
Инсайдер Фабрицио Романонинг хабар беришича, клублар трансфер тафсилотлари бўйича тўлиқ келишиб олган. Футболчининг трансфери “канонирлар”га 30 миллион еврога тушади. Лондонликлар маош миқдорини футболчи билан тўғридан-тўғри келишиб олишлари керак, шундан сўнг келишув расман ёпилади.
Эслатиб ўтамиз, Александр 2016 йилдан буён "Манчестер Сити"да ўйнаб келмоқда. 25 ёшли украиналик футболчи тўрт марта Англия чемпиони бўлган ва бир марта мамлакат кубогини қўлга киритган.