"Manchester Yunayted" "Ayaks"dan Lisandro Martinesni sotib olganini e’lon qildi.

Ingliz klubi futbolchining transferi bo‘yicha "Ayaks" bilan kelishib olganini ma’lum qildi. "Manchester Yunayted" Lisandro bilan shaxsiy shartnoma shartlarini kelishib olsa, transfer rasmiylashtiriladi.

Shuningdek, futbolchi hali tibbiy ko‘rikdan o‘tib, Britaniya vizasini olmagan. «Manchester Yunayted» 24 yoshli futbolchi uchun 54+10 million yevro to‘lashi xabar qilingandi.

Lisandro o‘tgan mavsumda "Ayaks" safida barcha turnirlarda 36 o‘yinda maydonga tushib, 1 gol urgan.

U himoya markazida, himoyaning chap qanotida va tayanch zonasida o‘ynay oladi.