"Bavariya" "Yuventus" yulduzi Matteys de Ligtning transferini yakunlash uchun bir futbolchi bilan xayrlashmoqchi, deb xabar beradi Sky Sports.

Manbaga ko‘ra, myunxenliklar safini tark etish uchun ro‘yxatda Benjamin Pavar, Dayo Upamekano va Tanguy Nyazu bor.

Avvalroq, 18 iyul, dushanba kuni 22 yoshli niderlandiyalik Myunxenga uchib ketishi va u yerda tibbiy ko‘rikdan o‘tishi kerak. Shu kuni u Germaniya chempioni bilan shartnoma imzolashi haqida ham xabar berilgandi. Xabar qilinishicha, "Bavariya" futbolchi uchun 70 million yevro va bonuslar to‘laydi.

O‘tgan mavsumda de Ligt turinliklar safida 42 ta o‘yinda maydonga tushib, 3 ta gol urdi va 1 ta golli uzatmani amalga oshirdi. Himoyachining klub bilan shartnomasi 2024 yilning 30 iyuniga qadar amal qiladi.