"Бавария" "Ювентус" юлдузи Маттейс де Лигтнинг трансферини якунлаш учун бир футболчи билан хайрлашмоқчи, деб хабар беради Sky Sports.
Манбага кўра, мюнхенликлар сафини тарк этиш учун рўйхатда Бенжамин Павар, Дайо Упамекано ва Тангуй Ньязу бор.
Аввалроқ, 18 июль, душанба куни 22 ёшли нидерландиялик Мюнхенга учиб кетиши ва у ерда тиббий кўрикдан ўтиши керак. Шу куни у Германия чемпиони билан шартнома имзолаши ҳақида ҳам хабар берилганди. Хабар қилинишича, "Бавария" футболчи учун 70 миллион евро ва бонуслар тўлайди.
Ўтган мавсумда де Лигт туринликлар сафида 42 та ўйинда майдонга тушиб, 3 та гол урди ва 1 та голли узатмани амалга оширди. Ҳимоячининг клуб билан шартномаси 2024 йилнинг 30 июнига қадар амал қилади.