"Barselona" tez orada yangi kelgan futbolchilarni ro‘yxatdan o‘tkazish uchun zarur bo‘lgan yuzlab million yevroni oladi.

Diario Sport xabariga ko‘ra, shu haftada "ko‘k-anorranglilar" o‘zining televizion media huquqlarining 15 foizini Amerikaning Sixth Street sarmoyaviy kompaniyasiga 320-330 million yevroga sotadi.

Bu "Barselona"ga moliyaviy ahvolini mustahkamlash va yangi kelgan futbolchilarni ro‘yxatga olish imkonini beruvchi ikkinchi iqtisodiy dastakdir. Avvalroq kataloniyaliklar televideniyega bo‘lgan huquqlarining 10 foizini xuddi shu sarmoya fondiga 207,5 million yevroga sotishgan.

Qayd etilishicha, ikkinchi kelishuv "ko‘k-anorranglilar"ning barcha maqsadlariga erishishi uchun yetarli bo‘lmasligi mumkin. Uchinchi kelishuv faollashtirish talab qilinishi mumkin - Barça Studiosga (klub uchun ijodiy mahsulotlar yaratuvchi kompaniya) 49% huquqlarni sotish.