“Milan” yarim himoyachisi Tyemue Bakayoko giyohvand moddalar sotuvchisi bilan adashtirilgani uchun polisiya tomonidan hibsga olindi, deb xabar bermoqda La Gazzetta dello Sport.

Manbaga ko‘ra, Milanda giyohvand moddalar sotuvchisi ishtirokida otishma bo‘lgan. Ertasi kuni polisiya “Milan” futbolchisining mashinasini to‘xtatdi, chunki u gumondorlarning mashinasi futbolchining mashinasi bilan bir xil edi. Bakayoko gumonlanuvchilardan biri kabi yashil ko‘ylak kiygan edi.

O‘yinchini tintuv qilish paytida ofiserlardan biri mashina yo‘lovchilarini qurol bilan ushlab turdi.

Bir necha daqiqadan so‘ng polisiya futbolchini tanidi va uzr so‘rab qo‘yib yubordi.

Voqea 3 iyul kuni sodir bo‘lgan, ammo ma’lumot bu haqda endi ma’lum bo‘ldi.