"Manchester Yunayted" bosh murabbiyi Erik ten Xag klub hujumchi Krishtianu Ronalduni sotmoqchi emasligini ta’kidladi.

“Krishtianu Ronaldu sotilmaydi. Men klubga u bilan ishlashni rejalashtirib kelgandim. Va o‘shandan beri hech narsa o‘zgarmadi. Menga hozirgi vaziyatdan xabar berildi. Uning klub bilan yana bir yillik shartnomasi bor.

U bu mavsumdan keyin qolishi mumkinmi? Ha, - deya Ten Xagning so‘zlaridan iqtibos keltiradi ESPN.

Oldinroq Ronaldu oilaviy muammolar tufayli "Manchester Yunayted"ning Tailand va Avstraliyadagi mavsumoldi turnesini o‘tkazib yuborishi xabar qilingandi.

O‘tgan mavsumda portugaliyalik "Manchester Yunayted" safida barcha musobaqalarda 39 ta o‘yinda maydonga tushib, 24 ta gol urdi va 3 ta golli uzatmani amalga oshirdi. Hujumchining klub bilan shartnomasi 2023 yilning 30 iyuniga qadar amal qiladi.