"Bryugge" klubi "Milan"ning yarim himoyachi Sharl de Ketelare bo‘yicha ikkinchi taklifini rad etdi.
Ma’lumotlarga ko‘ra, Belgiya klubini 30 million yevro va 5 million bonuslar taklifi qoniqtirmagan. "Bryugge" 21 yoshli yarim himoyachi uchun taxminan 37 million olishni kutmoqda. "Lids" ham xuddi shunday mablag‘ni taklif qiladi, ammo de Ketelare "Milan"ga o‘tmoqchi.
Ertaga tomonlar o‘rtasida yana bir uchrashuv bo‘lib o‘tadi, ammo italiyaliklar summani oshirish niyatida emas.
2021/22 yilgi mavsumda futbolchi “Bryugge” safida 49 o‘yinda 18 ta gol urdi va 10 ta golli uzatmani amalga oshirdi.
Yarim himoyachining klub bilan shartnomasi 2024 yilning iyunigacha amal qiladi.