"Брюгге" клуби "Милан"нинг ярим ҳимоячи Шарл де Кетеларе бўйича иккинчи таклифини рад этди.
Маълумотларга кўра, Бельгия клубини 30 миллион евро ва 5 миллион бонуслар таклифи қониқтирмаган. "Брюгге" 21 ёшли ярим ҳимоячи учун тахминан 37 миллион олишни кутмоқда. "Лидс" ҳам худди шундай маблағни таклиф қилади, аммо де Кетеларе "Милан"га ўтмоқчи.
Эртага томонлар ўртасида яна бир учрашув бўлиб ўтади, аммо италияликлар суммани ошириш ниятида эмас.
2021/22 йилги мавсумда футболчи “Брюгге” сафида 49 ўйинда 18 та гол урди ва 10 та голли узатмани амалга оширди.
Ярим ҳимоячининг клуб билан шартномаси 2024 йилнинг июнигача амал қилади.
