“Chelsi” klubi bosh murabbiyi Tomas Tuxel senegallik markaziy himoyachi Kalidu Kulibalining transferi haqida fikr bildirdi.
“Biz yuqori saviyadagi futbolchi bilan shartnoma imzoladik. Kulibali orqada uch yoki to‘rttalik himoyada o‘ynashi mumkin. Menimcha, klub ajoyib transferni amalga oshirdi.
Kalidu jamoaning ba’zi futbolchilari bilan tanish, shuning uchun u moslashishda muammoga duch kelmaydi deb o‘ylayman. Bizda ajoyib jamoa bor, barcha o‘yinchilar bunday yangi futbolchi kelganidan xursand”, - deya mutaxassisning so‘zlarini keltiradi klub matbuot xizmati.
Senegallikning transferi "Chelsi"ga 38 million yevroga tushdi. U 2026 yilning yoziga qadar shartnoma imzoladi.
