"Arsenal" darvozaboni Aaron Ramsdeyl Angliya terma jamoasi darvozasidan joy uchun kurash haqida o‘z fikrlari bilan o‘rtoqlashdi.
“Jordan Pikford har doim terma jamoada birinchi bo‘lish uchun katta to‘siq bo‘lib kelgan. U ajoyib futbolchi. Ammo Nik Pope, Sem Jonston, Din Xenderson ham bor. Bu yil barchamiz Premyer-ligada o‘ynaymiz, shuning uchun mening Jahon chempionatidagi hali o‘rnim 100 foiz hal qilinmagan" - dedi Ramsdeyl Sky Sports nashriga.
Qatardagi Jahon chempionati noyabr oyi oxirida boshlanadi. Final uchrashuvi 18 dekabrga belgilangan.
Darvozabon o‘tgan mavsumda APLda 34 ta o‘yin o‘tkazib, 39 ta gol o‘tkazib yuborgan.
