"Арсенал" дарвозабони Аарон Рамсдейл Англия терма жамоаси дарвозасидан жой учун кураш ҳақида ўз фикрлари билан ўртоқлашди.

“Жордан Пикфорд ҳар доим терма жамоада биринчи бўлиш учун катта тўсиқ бўлиб келган. У ажойиб футболчи. Аммо Ник Попе, Сэм Жонстон, Дин Хендерсон ҳам бор. Бу йил барчамиз Премьер-лигада ўйнаймиз, шунинг учун менинг Жаҳон чемпионатидаги ҳали ўрним 100 фоиз ҳал қилинмаган" - деди Рамсдейл Sky Sports нашрига.

Қатардаги Жаҳон чемпионати ноябрь ойи охирида бошланади. Финал учрашуви 18 декабрга белгиланган.

Дарвозабон ўтган мавсумда АПЛда 34 та ўйин ўтказиб, 39 та гол ўтказиб юборган.