Xavi hali ham "Barselona"ning AQSHdagi turnesiga qo‘shila olmayapti.
AS nashri xabariga ko‘ra, Kataloniya klubi bosh murabbiyi 20 iyul kuni Toshkent vaqti bilan 05:00 da bo‘lib o‘tadigan "Inter Mayami"ga qarshi o‘rtoqlik uchrashuvini o‘tkazib yuboradi.
Xavi ertalabdan beri AQSH vizasi tasdiqlanishini kutdi. Agar bu sodir bo‘lganida, u mahalliy "Inter Mayami" bilan o‘yin uchun Mayamiga uchib ketishga muvaffaq bo‘lardi. Biroq, Xavi AQSH rasmiylarining roziligini kutmadi va unga o‘yinga yetib borishga samolyotlar reysi ham qolmagandi.
Xavi so‘ragan viza uchun maksimal kutish vaqti 72 soat. Shunday ekan, Xavi chorshanba kuni ertalab "Barselona"ga qo‘shilishi uchun seshanba kuni kirish ruxsatnomasini olishga umid qilmoqda. Bu unga klub bilan Las-Vegasga borishga imkon beradi, u yerda jamoa payshanba kuni safar qiladi. U yerda "Barselona" "Real"ga qarshi o‘ynaydi.
Xavi "Barselona"dan uzoqda bo‘lsa, jamoani Xavining akasi Oskar Ernandes boshqaradi.
Klub hozirgi vaziyat uchun kimdir javobgarlikni o‘z zimmasiga olishi kerak deb hisoblamoqda. "Barselona" bunday yirik turnir boshlanishi uchun hujjatlar tayyorlanmaganini qabul qilib bo‘lmas deb hisoblaydi. Bundan tashqari, klub tur tashkilotchilari "Barselona"ga deyarli yordam bermaganidan hayratda qolgan.
