Ukraina terma jamoasi himoyachisi Aleksandr Zinchenko AQSHga yetib keldi va u o‘zining yangi klubi Londonning "Arsenal" jamoasiga o‘tishi kerak. Insayder Fabrisio Romanoning ijtimoiy tarmoqlarida yozishicha, futbolchini allaqachon “kanonirlar”ning futbolkalarida ko‘rishgan.
London klubi va “Manchester Siti” ukrainalik futbolchining transferi borasida kelishib olishgan. Zinchenkoning transferi londonliklarga 25-30 million yevroga tushadi. Aleksandr "Arsenal" bilan 2027 yilning o‘rtalariga qadar uzoq muddatli shartnoma imzolaydi.
Futbolchi o‘tgan mavsumda "Manchester Siti" safida barcha turnirlarda 28 o‘yin o‘tkazib, 5 ta golli uzatmani amalga oshirgan.