Украина терма жамоаси ҳимоячиси Александр Зинченко АҚШга етиб келди ва у ўзининг янги клуби Лондоннинг "Арсенал" жамоасига ўтиши керак. Инсайдер Фабрицио Романонинг ижтимоий тармоқларида ёзишича, футболчини аллақачон “канонирлар”нинг футболкаларида кўришган.
Лондон клуби ва “Манчестер Сити” украиналик футболчининг трансфери борасида келишиб олишган. Зинченконинг трансфери лондонликларга 25-30 миллион еврога тушади. Александр "Арсенал" билан 2027 йилнинг ўрталарига қадар узоқ муддатли шартнома имзолайди.
Футболчи ўтган мавсумда "Манчестер Сити" сафида барча турнирларда 28 ўйин ўтказиб, 5 та голли узатмани амалга оширган.
