"Manchester Yunayted" bosh murabbiyi Erik ten Xag bir necha kun oldin jamoani tark etishni istayotganini ma’lum qilgan hujumchi Krishtianu Ronalduni jamoada saqlab qolish umidini uzmagan.
Ten Xag futbolchi bilan uchrashib, samimiy suhbat qurish niyatida, deb xabar beradi CBC Sports. Biroq hujumchi "Yunayted" bilan xayrlashish va Chempionlar ligasida ishtirok etadigan klub topish borasida qat’iy qarorga kelgani aytilmoqda.
Avvalroq, "Atletiko Madrid" shunday klubga aylanishi mumkinligi haqida ma’lumotlar bor edi. Ronaldu maoshini 30 foizga qisqartirishga tayyor edi, biroq bu ham Diyego Simeoneni bu transferning maqsadga muvofiqligiga hali ishontira olmadi.
Ronaldu o‘tgan mavsumda APLda 30 ta o‘yinda maydonga tushib, 18 ta gol urdi va 3 ta golga assistentlik qildi.
