"Chelsi" yarim himoyachisi Konor Gallaxer yangi mavsumni "Everton"da boshlashi mumkin.

Football Insider xabariga ko‘ra, Liverpul klubi "ko‘klar"ga 36 million yevrolik taklif bilan murojaat qilgan.

Gallaxer o‘tgan mavsumni "Kristal Pelas"da ijara asosida o‘tkazdi, u yerda asosiy jamoa o‘yinchisi edi va Angliya terma jamoasiga chaqirildi. Keyin u "Chelsi"ga qaytdi, ammo uning jamoadagi o‘rni borasidagi savol haligacha noaniq. Londonliklar bosh murabbiyi Tomas Tuxel Gallaxerning iqtidoriga muxlislik qilsa-da, markaziy yarim himoyada raqobat kuchliligicha qolmoqda.

Futbolchi o‘tgan mavsumda Premer-ligada 34 ta o‘yinda maydonga tushib, 8 ta gol urdi va 3 ta golli uzatmani amalga oshirdi.