Gollandiyalik yarim himoyachi Frenki de Yong faoliyatini Angliyada davom ettirish imkoniyatiga ega va futbolchiga aynan “Manchester Yunayted” qiziqish bildirayotgani yo‘q.
Sport.es xabariga ko‘ra, Londonning "Chelsi" klubi "Barselona" yarim himoyachisini o‘z safiga qo‘shib olmoqchi.
“Aristokratlar” kataloniyaliklar bilan bu borada muzokara olib borgan. O‘z navbatida, de Yong avvalroq jamoasini faqat bitta klub uchun tark etishini aytgandi. Bu klub "Bavariya".
Frenki 2019 yildan beri “Barselona” safida to‘p tepadi. Gollandiyalik futbolchining klub bilan amaldagi shartnomasi 2026 yilgacha mo‘ljallangan va uning narxi 60 million yevroga teng.
