Голландиялик ярим ҳимоячи Френки де Йонг фаолиятини Англияда давом эттириш имкониятига эга ва футболчига айнан “Манчестер Юнайтед” қизиқиш билдираётгани йўқ.
Sport.es хабарига кўра, Лондоннинг "Челси" клуби "Барселона" ярим ҳимоячисини ўз сафига қўшиб олмоқчи.
“Аристократлар” каталонияликлар билан бу борада музокара олиб борган. Ўз навбатида, де Йонг аввалроқ жамоасини фақат битта клуб учун тарк этишини айтганди. Бу клуб "Бавария".
Френки 2019 йилдан бери “Барселона” сафида тўп тепади. Голландиялик футболчининг клуб билан амалдаги шартномаси 2026 йилгача мўлжалланган ва унинг нархи 60 миллион еврога тенг.
