10 yil orqaga qaytaylik. Mesut O‘zil "Real Madrid" yulduzi va Krishtianu Ronaldu bilan bo‘lgan super duetning ajralmas qismi edi. Va keyin Jahon chempioni va futbolchi uchun Londonning "Arsenal”i 50 million yevro bergan edi. O‘zilni Ispaniyada ham, Angliyada ham qadrlashdi va u darhol bir qancha golli uzatmalarni berishni boshladi.
2022 yilga kelib O‘zilning faoliyati pasayib ketdi. "Arsenal" uchun yarim himoyachi oshirilgan maosh (haftasiga 350 ming evro) bilan yuk bo‘lib qoldi, mavsum davomida birorta ham o‘yin o‘tkazmadi va jamoadan tekinga ketdi. Va shu bilan birga muxlislar e’tiboridan g‘oyib bo‘ldi. U hozir qayerda?
2021 yilning yanvarida O‘zil baxtli edi. "Arsenal" bilan xayrlashganidan so‘ng u orzusini amalga oshirdi va "Fenerbaxche"ga o‘tdi. Mesut shu zahotiyoq bolaligidan klubga muxlislik qilganini va muvaffaqiyatli kelajakka umid qilishini aytdi.
“Taxminan 20 yil oldin men “Fenerbaxche” libosida Gelzenkirxen ko‘chalarida to‘p ortidan yugurgan turk muhojiri edim. Baxtimga ko‘p yillar davomida orzu qilgan klub formasini kiyishga erishdim”.
O‘zil tarixiy vatanida yorqin o‘yin boshlay olmadi. Mavsum oxiriga kelib u 10 ta o‘yin o‘tkazib, atigi bitta golli uzatmani amalga oshirdi. Navbatdagi mavsumni Mesut faolroq boshladi va beshta o‘yinda “gol+pas” bo‘yicha 2+1 hisobini qayd etdi. Ammo janjal ckelib hiqdi. Jurnalistlar O‘zilning "Fener"dagi mavqeidan norozi bo‘lib, AQSH yoki Qatarga borishni istayotganini, shubhasiz, unga ishonishlari va ko‘proq maosh olishlarini aniqlashdi.
O‘zilning holati haqidagi mish-mishlar tezda tasdiqlandi. Oktyabr oyi boshida "Fenerbaxche" bosh murabbiyi Vitor Pereyra Mesutni chempionlik o‘yinida zaxirada qoldirgandi. Ikkinchi bo‘lim boshida Mesut chigal-yozdi mashg’ulotlarini o‘tkazdi, lekin u maydonga tushmadi.
Vaziyatga hatto “Fener” prezidenti Ali Koch ham aralashishga majbur bo‘ldi. Uning ta’kidlashicha, O‘zil "futbolga e’tibor qaratishi", "tijoriy manfaatlarni chetga surish" va "klub haqida ko‘proq o‘ylash" kerak. O‘zil oxir-oqibat Pereyradan oshib ketdi va hattoki 2021/2022 yilgi mavsumda yaxshi statistika ko‘rsatdi (ligadagi 22 o‘yinda 8+2), ammo mart oyida u bosh murabbiy vazifasini bajaruvchi Ismoil Kartal bilan janjallashdi.
Mojaro tufayli Mesut tarkibdan chetlashtirildi. Shu bilan u boshqa hech qachon maydonga tushmadi.
Yozda O‘zilning “Fener” bilan sarguzashtlari o‘z nihoyasiga yetgani haqida mish-mishlar tarqala boshladi. Mesut nima qildi? U bayonot berdi:
“G‘urur bilan aytishim mumkinki, men bolaligimdagi sevgim bo‘lgan “Fenerbaxche” bilan shartnoma imzolab, hatto dastlabki olti oyda ham maosh olmasdan, kareramdagi maqsadimga erishdim. Shu bois, yana bir bor takrorlashga tayyorman, “Fenerbaxche”dan boshqa jamoada faoliyatimni yakunlamayman. Shartnomam davomida yagona maqsadim o‘zimni to‘liq shu klubga berish. Bu qaror yakuniy va shubhasizdir.
Endi ikki haftadan keyin nima bo‘lganini taxmin qiling. To‘g‘ri, O‘zil "Fenerbaxche"ni tark etib, tomonlar kelishuviga ko‘ra shartnomani bekor qildi. Va bir kundan keyin u sobiq jamoaning to‘g‘ridan-to‘g‘ri raqibi bo‘lgan “Istanbul Bashakshehir” futbolchisiga aylandi. Mesut qasam ichib faoliyatini yakunlamoqchi bo‘lgan jamoadan ketdi.
O‘zilning yangi jamoada qay darajada o‘ynab ketishi hech kimga ayon emas. Lekin shunday holat borki, Mesut allaqachon o‘zini futboldan tashqari ishlarda yaxshi namoyon qilmoqda yaxshiroq ko‘rsatmoqda. Bu kibersport. Mana, yaqinda yarim himoyachining agenti Erkut Sog‘ut shunday dedi:
“O‘zil ko‘p vaqtini video o‘yinlarga bag‘ishlaydi. Balki u kibersportchiga aylanar. Mesut Forniture o‘yinini juda yaxshi o‘ynaydi. Bir kun kelib turnirlarda qatnasha boshlasa hayron bo‘lmayman”.
O‘zil hozir 33 yoshda. Bugungi me’yorlarga ko‘ra, bu yosh futbol o‘ynash uchun mukammal, desa ham bo‘ladi. Ammo Mesutning hozirgi voqealardan keyin qilgan ishi futbolni tark etish bo‘lganida mantiqiyroq bo‘lardi.
