"Sassuolo" hujumchisi Janluka Skamakka "Vest Xem"ga o‘tishga yaqin turibdi.
Alfredo Pedullaning aytishicha, muzokaralar yaxshi ketmoqda. Klublar kelishuvni yakshanba kunigacha yakunlashlari kutilmoqda. Transfer summasi bonuslar bilan birga 42-43 million yevroni tashkil qiladi.
Agar transfer amalga oshirilsa, futbolchi Londonga dushanba yoki seshanba kuni yetib boradi.
Avvalroq, 23 yoshli futbolchi xizmatiga "PSJ" qiziqish bildirayotgani haqida xabar berilgandi.
O‘tgan mavsumda Skamakka A Seriyaning 36 o‘yinida 16 ta gol urdi va "Sassuolo"ning eng yaxshi to‘purari bo‘ldi.