"Сассуоло" ҳужумчиси Жанлука Скамакка "Вест Хэм"га ўтишга яқин турибди.
Альфредо Педулланинг айтишича, музокаралар яхши кетмоқда. Клублар келишувни якшанба кунигача якунлашлари кутилмоқда. Трансфер суммаси бонуслар билан бирга 42-43 миллион еврони ташкил қилади.
Агар трансфер амалга оширилса, футболчи Лондонга душанба ёки сешанба куни етиб боради.
Аввалроқ, 23 ёшли футболчи хизматига "ПСЖ" қизиқиш билдираётгани ҳақида хабар берилганди.
Ўтган мавсумда Скамакка А Сериянинг 36 ўйинида 16 та гол урди ва "Сассуоло"нинг энг яхши тўпурари бўлди.