"Liverpul" yozgi transfer oynasida Dortmundning "Borussiya"si va Angliya terma jamoasi yarim himoyachisi Jud Bellingemni o‘z safiga qo‘shib olishga harakat qildi, deb yozdi jurnalist Fabrisio Romano.
Manba bergan xabarga ko‘ra, iyun oyida ingliz klubi futbolchini so‘ragan, ammo "Borussiya" rahbariyati futbolchini daxlsiz deb hisoblaydi. Oldinroq Madridning “Real” klubi yarim himoyachini 2023 yilning yozida 100 million yevro evaziga sotib olmoqchiligi haqida xabar berilgandi.
19 yoshli Bellingem o‘tgan mavsumda Dortmundliklar safida barcha musobaqalarda 44 ta o‘yinda maydonga tushib, 6 ta gol urdi va 14 ta golli uzatmani amalga oshirdi. Uning klub bilan shartnomasi 2025 yilning yoziga qadar mo‘ljallangan.
