"Ливерпуль" ёзги трансфер ойнасида Дортмунднинг "Боруссия"си ва Англия терма жамоаси ярим ҳимоячиси Жуд Беллингемни ўз сафига қўшиб олишга ҳаракат қилди, деб ёзди журналист Фабрицио Романо.
Манба берган хабарга кўра, июнь ойида инглиз клуби футболчини сўраган, аммо "Боруссия" раҳбарияти футболчини дахлсиз деб ҳисоблайди. Олдинроқ Мадриднинг “Реал” клуби ярим ҳимоячини 2023 йилнинг ёзида 100 миллион евро эвазига сотиб олмоқчилиги ҳақида хабар берилганди.
19 ёшли Беллингем ўтган мавсумда Дортмундликлар сафида барча мусобақаларда 44 та ўйинда майдонга тушиб, 6 та гол урди ва 14 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.
