Hujumchi Romelu Lukaku nafaqat bu, balki keyingi mavsumni ham "Inter"da o‘tkazishi mumkin, deb xabar beradi Daily Mail.

"Neradzurrilar" allaqachon "Chelsi" bilan ijara muddatini ikkinchi yilga uzaytirish borasida prinsipial kelishuvga erishgan. Londonliklar belgiyalikni butunlay sotishni afzal ko‘rishadi, ammo uning maoshi potensial xaridorlar uchun jiddiy to‘siq bo‘lib turibdi.

2021/22 yilgi mavsumda hujumchi "Chelsi" safida barcha turnirlar doirasida 42 ta o‘yinda maydonga tushib, 13 ta gol urdi va 5 ta golli uzatmani amalga oshirdi.