"Milan" "Bryugge" yarim himoyachisi Sharl de Ketelareni sotib olishga yaqin turibdi. Sky Sports Italia xabariga ko‘ra, Italiya klubi 21 yoshli belgiyalik futbolchining transferi borasida prinsipial kelishuvga erishgan.
Jamoalar shartnoma tuzilmasi va bonuslarni to‘lash shartlarini kelishib olishlari kerak. Milan klubi futbolchi uchun 30 million yevrodan ko‘proq pul to‘laydi.
2021/22 yilgi mavsumda De Ketelare “Bryugge” safida 49 o‘yinda 18 ta gol urdi va 10 ta golli uzatmani amalga oshirdi.
Yarim himoyachining klub bilan shartnomasi 2024 yilning iyunigacha amal qiladi.