"Милан" "Брюгге" ярим ҳимоячиси Шарл де Кетеларени сотиб олишга яқин турибди. Sky Sports Italia хабарига кўра, Италия клуби 21 ёшли бельгиялик футболчининг трансфери борасида принципиал келишувга эришган.
Жамоалар шартнома тузилмаси ва бонусларни тўлаш шартларини келишиб олишлари керак. Милан клуби футболчи учун 30 миллион евродан кўпроқ пул тўлайди.
2021/22 йилги мавсумда Де Кетеларе “Брюгге” сафида 49 ўйинда 18 та гол урди ва 10 та голли узатмани амалга оширди.
Ярим ҳимоячининг клуб билан шартномаси 2024 йилнинг июнигача амал қилади.
