“Andijon” – “Qizilqum” (3:2) o‘rtasidagi o‘yindan keyin navoiyliklar bosh murabbiyi Nikola Lazarevich quyidagicha munosabat bildirdi.
“Bilasizmi, bunday ob-havoda yaxshi o‘yin namoyish etish biroz qiyin bo‘ldi. Shunday bo‘lsa-da, yigitlarga imkoniyat berib, ularning jismoniy holatini tekshirib oldik. Ular yaxshi o‘yin ko‘rsatishga harakat qilishdi.
Raqibimiz – “Andijon” yaxshi jamoa ekan. Bizga qarshi yaxshi tayyorgarlik ko‘rganligi ko‘rinib turibdi. Ularga chempionatda omad yor bo‘lishini istayman hamda pro ligada chempion bo‘lishlarini tilayman.
Bizda oxirgi ikki kun davomida futbolchilarga jismoniy yuklamalar berilgandi. Bugungi maydonning holati o‘rtacha ekan. Shunday ekan, tayyorgarlikni davom ettiramiz. Bizni oldinda “Buxoro” bilan o‘yinimiz bor. Shu tariqa, 3 avgust kuni “Lokomotiv” jamoasiga qarshi o‘yinga tayyorlanib boraveramiz.
“Andijon” safida yon chiziqlarda harakat qilgan futbolchilari ancha yaxshi ekan. Ammo ularning familiyalarini bilmayman. Birinchi bo‘limda harakat qilgan hujumchilarining o‘yini ham menga yoqdi. Himoyachilari ham ajoyib o‘yin ko‘rsatishdi. Ammo uchrashuv videoyozuvini ko‘rib yakuniy xulosaga kelamiz. “Andijon”ning jiddiy raqibligi bilinib turibdi. Ularning o‘rni Superligada bo‘lishi kerak, - dedi Lazarevich.
