Italiya A seriyasi rahbari Lorenso Kazini turnirning yangi mavsumi boshlanishi haqida gapirdi. Rahbarning so‘zlariga ko‘ra, anomal issiqlik tufayli mavsum boshlanishi xavf ostida.
"13 avgustdan boshlash oson bo‘lmaydi. Ob-havo bilan bog‘liq muammolar mavjud, bunday yuqori haroratda mavsumni belgilangan sanada boshlash juda qiyin. Qolaversa, Qatarda bo‘lib o‘tadigan Jahon chempionati o‘yinlari uchun tanaffus tufayli bu mavsum o‘z-o‘zidan nostandart bo‘ladi", - dedi Kazini Football-Italia bilan suhbatda.
“Milan” Italiya chempionatining so‘nggi mavsumida chempion bo‘ldi. Kumush medallar Milanning “Inter” jamoasiga, bronza medallari esa “Napoli”ga nasib etdi.
