Италия А серияси раҳбари Лоренцо Казини турнирнинг янги мавсуми бошланиши ҳақида гапирди. Раҳбарнинг сўзларига кўра, аномал иссиқлик туфайли мавсум бошланиши хавф остида.
"13 августдан бошлаш осон бўлмайди. Об-ҳаво билан боғлиқ муаммолар мавжуд, бундай юқори ҳароратда мавсумни белгиланган санада бошлаш жуда қийин. Қолаверса, Қатарда бўлиб ўтадиган Жаҳон чемпионати ўйинлари учун танаффус туфайли бу мавсум ўз-ўзидан ностандарт бўлади", - деди Казини Football-Italia билан суҳбатда.
“Милан” Италия чемпионатининг сўнгги мавсумида чемпион бўлди. Кумуш медаллар Миланнинг “Интер” жамоасига, бронза медаллари эса “Наполи”га насиб этди.
