"Real" va "Napoli"ning sobiq qanot hujumchisi Xose Kalyexon faoliyatini Segundada davom ettiradi.
"Granada" 35 yoshli futbolchi bilan shartnoma imzolaganini e’lon qildi. Kalyexon "Fiorentina" bilan shartnomasi tugaganidan keyin tekinga ispan klubiga o‘tdi.
Transfermarkt xabariga ko‘ra, futbolchining "Granada" bilan shartnomasi bir mavsumga mo‘ljallangan.
O‘tgan mavsumda Kalyexon "Fiorentina"ning barcha turnirlar doirasidagi 33 o‘yinida 1 ta gol urdi va 3 ta golli uzatmani amalga oshirdi.