"Zalsburg" hujumchisi Benyamin Soshko faoliyatini Madridning "Real" klubida davom ettirishi mumkin. Bu haqda Mundo Deportivo xabar berdi.
Ma’lumotlarga ko‘ra, "qirollik klubi"ni Borxa Mayoral va Mariano Diaz tark etgan taqdirda jamoa rahbariyati "Zalsburg" hujumchisi Benyamin Soshko bilan shartnoma imzolamoqchi. Unga avvalroq "Manchester Yunayted" qiziqish bildirayotgan edi.
Bo‘yi 1 metr 94 sm bo‘lgan 19 yoshli hujumchi Transfermarkt portalida 10 million yevroga baholangan. Uning Avstriya klubi bilan shartnomasi 2026 yilning yozida tugaydi.