"Barselona" hujumchisi Memfis Depay "Yuventus"ga o‘tishi mumkin.

Forvard Amerika Qo‘shma Shtatlaridagi mavsumoldi turnesi tugashini kutmoqda, keyin esa kelajagi borasida bir qarorga keladi.

Oldinroq "Barselona" futbolchi uchun 20 million yevro olishni rejalashtirayotgani haqida ma’lumotlar paydo bo‘lgandi.

O‘tgan mavsumda futbolchi "Barselona" safida barcha musobaqalarda 37 ta o‘yinda 13 ta gol urdi va 2 ta golli uzatmani amalga oshirdi. Transfermarkt.com portali futbolchining narxini 35 million yevroga baholamoqda.

Uning "Barselona" bilan shartnomasi 2023 yilning yoziga qadar mo‘ljallangan. Eslatib o‘tamiz, Depay Kataloniya klubiga 2020 yilning yozida erkin agent sifatida o‘tgan edi.